د معمار پرس د خبر له مخې؛ د پاکستان حکومت تېره شپه (شنبه، د سرطان ۷مه) د خوست ولایت د غلام خان بندر د موټرو او مسافرو د تګ راتګ لپاره وتړل.
د پاکستاني چارواکو په وینا، دا پریکړه د امنیتي اندیښنو له امله شوې ده.
په خوست ولایت کې د طالبانو د والي ویاند، مستغفر ګرباز، په خپل ایکس پاڼه کې اعلان وکړ چې پاکستاني چارواکو د غلام خان بندر کمشنر ته خبر ورکړی چې دا لاره به تر نامعلومې مودې پورې تړلې وي.
هغه له اتباعو وغوښتل چې تر بلې خبرتیا پورې په دې لاره له سفر کولو ډډه وکړي او بدیلې لارې وکاروي.
