د معمار پرس د خبر له مخې؛ سپینې ماڼۍ اعلان کړی چې د امریکا ولسمشر ډونالډ ټرمپ به د روان کال د می له ۱۳مې څخه تر ۱۶مې پورې درې هېوادونو: سعودي عربستان، قطر او متحده عربي اماراتو ته سفر وکړي.
د سپینې ماڼۍ ویاندې کارولین لیویټ د سې شنبې په ورځ، د اپریل په ۲۲مه، په یوه مطبوعاتي غونډه کې دا خبر تایید کړ.
هغه وویل چې دا سفر د ټرمپ د دوهمې دورې لپاره د هغه د ډیپلوماټیکو پلانونو یوه برخه ده.
دا د ولسمشر په توګه د خپلې دوهمې دورې له پیل راهیسې د ټرمپ دوهم بهرنی سفر دی.
ټرمپ دا هم اعلان وکړ چې هغه به د دې اونۍ په پای کې په ایټالیا کې د پاپ فرانسیس په جنازه کې ګډون وکړي.
