د معمار پرس د خبر له مخې؛ بلومبرګ د امریکا د دفاع وزارت د یوه لوړ پوړي چارواکي په حواله راپور ورکړی چې اوکراین ته د امریکا ټولې پوځي مرستې ودرول شوې او تر هغه به دوام وکړي تر څو چې ټرمپ پریکړه وکړي چې اوکرایني مشران د سولې په لټه کې دي.
د راپور له مخې، د امریکا ټول پوځي تجهیزات چې اوکراین ته روان وو، په شمول د هغو وسلو چې په ټرانزیټ سیمو لکه پولنډ کې وې، به ودرول شي.
ټرمپ دا امر خپل د دفاع وزیر پیټ هیګسیټ ته کړي دي.
دا پریکړه په سپینه ماڼۍ کې د ټرمپ او زیلینسکي ترمنځ د یوې سختې غونډې څخه یوازې څو ورځې وروسته نیول شوی دی
