د معمار پرس د خبر له مخې؛ د افغانستان د فوټبال فډریشن اعلان وکړ چې د ایټالیا ۴۰ کلن روزونکی وینچینزو البرټو انزه د فوټبال ملي لوبډلې د نوي مشر روزونکي په توګه غوره شوی دی.
فډریشن ټینګار وکړ چې دا ټاکنه د ملي لوبډلې د پیاوړتیا په هدف شوې او د روزنیزو کمپونو لپاره پلانونه جوړ شوي دي.
دا اقدام په داسې وخت کې کیږي چې ملي لوبډله له مختلفو ننګونو سره مخ ده، خو د افغان فوټبال د حالت د ښه کولو هڅې دوام لري.
