د افغانستان دغه چټک توپ اچوونکی د جمعې پر ورځ ( د مرغومي ۲ ) د هند غوره لیګ د راتلونکي پړاو لپاره د کرکت د لوبغاړیو د غوراوي په مراسمو کې، چې د دغه هېواد په کوچي ښار کې ترسره شول؛ اخیستل شو.
په دې مراسمو کې د هندوستان د غوره ليګ د شپاړسمې دورې لپاره څه باندې څلور سوه لوبغاړي مزایدې ته وړاندې شول، چې اتيا لوبغاړي ترې پر څه دپاسه يو نيم میليارد هندي کلدارو واخيستل شول.
له انګلستان څخه سام کوران د تر ټولو ګران بیه لوبغاړي په توګه؛ ۱۸۵ میلیون هندي کلدارې خپلې کړې او له پنجاب کینګز لوبډلې سره یوځای شو.
دوه افغان لوبغاړي محمد نبي او مجیب الرحمن، چې له دې مخکې د هند په غوره لیګ کې لوبېدلي دي؛ د کومې لوبډلې لخوا اخیستل شوي ندي.
راشد خان د دفاعي اتل ګجرات تایتانز لوبډلې ساتلی دی.
