د معمار خبری آژانس د راپور له مخې؛ نصیر احمد اندیشه د ملګرو ملتونو د بشري حقونو د شورا په شپیتمه غونډه کې څرګنده کړه چې پرته له ځواب ویلو او قاطع اقدامه، یوازې د بشري حقونو د سرغړونو غندل بسنه نه کوي.
نوموړي د دوشنبې په ورځ، د سنبلې په ۲۴مه، په خپلو وروستیو څرګندونو کې ټینګار وکړ چې د یو خپلواک میکانیزم رامنځته کول، د قربانیانو د عدالت په محور کې ځای پر ځای کول، او د افغانستان د ځانګړي راپور ورکوونکي له اوسني مأموریت څخه ملاتړ هغه ضروري اقدامات دي چې د دې هېواد د بشري حقونو د تضمین لپاره باید وسي.
اندیشه زیاته کړه چې نړیواله ټولنه باید له لفظي غندنو هاخوا، د عملي اقداماتو او ځواب ویلو د میکانیزمونو په رامنځته کولو سره د افغانستان د خلکو له حقونو ملاتړ وکړي او عدالت تأمین کړي.
د ملګرو ملتونو د بشري حقونو د شورا شپیتمه ناسته، چې د افغانستان د بشري حقونو وضعیت یې له اصلي محورونو څخه ګڼل کېږي، د سپتمبر په اتمه پیل سوې او د ۲۰۲۵ د اکتوبر تر اتمې پورې به دوام ولري.
د راپورونو له مخې، د دغې ناستې وروستی راپور به د ملګرو ملتونو د کارپوهانو سپارښتنې او شننې ولري، چې د افغانستان د بشري حقونو په برخه کې به د نړیوالو ملاتړونو مسیر روښانه کړي.
