مولوي عبدالکبیر: افغان خاوره به هېڅ هېواد ته ګواښ نه وي

د معمار پرس د خبر له مخې: د افغانستان د خپلواکۍ د بېرته ترلاسه کولو د ۱۵۰مې کلیزې د نمانځلو په مراسمو کې د لومړي وزیر سیاسي مرستیال مولوي عبدالکبیر یو ځل بیا ګاونډیو هېوادونو ته ډاډ ورکړ چې له افغانستان څخه به هیچا ته ګواښ نه وي. هغه دا هم وویل چې د سیمې هېوادونه هم باید د افغانستان شرایط درک کړي او له داسې غیر مسوولانه ټکرونو او څرګندونو ډډه وکړي چې د همکارۍ روحیه له منځه وړي. باید وویل شي، چې په دې وروستیو کې د سیمې ځینو هېوادونو ادعا کړې، چې داعش ترهګره ډله په افغانستان کې د طالبانو تر ادارې لاندې پراخ فعالیت لري. هغه ادعا چې کابل تل رد کړې او ویلي یې دي چې هېڅ ډله په هېواد کې فزیکي حضور نه لري.