د معمار پرس د خبر له مخې؛ په ملګرو ملتونو کې د پاکستان دایمي استازي منیر اکرم اعلان وکړ چې پاکستان پلان لري چې د طالبانو او هند پر وړاندې د ترهګرۍ د ملاتړ له امله شکایت ثبت کړي.
هغه زیاته کړه، “دا شکایت به د افغانستان له خاورې څخه د ترهګرۍ په صادرولو کې د طالبانو رول او د ترهګرو ډلو لپاره د هند ملاتړ ته پام وکړي.”
پاکستان مخکې په بلوچستان کې د اورګاډي په برید کې پر طالبانو او هند د لاس لرلو تور لګولی و، خو دواړو خواوو دا تورونه په کلکه رد کړل.
په دې وروستیو اونیو کې، د پاکستان او طالبانو ترمنځ سرحدي تاوتریخوالی زیات شوی، او د تورخم لاره د څو اونیو لپاره تړل شوې ده.
