ملي اسلامي غورځنګ: د مارشال دوستم له همکارۍ پرته د بګرام بېرته نیول ناشونی دی

د معمار خبري آژانس د راپور له مخې؛ بشیر احمد ته‌ینج چې د کابینې پخوانی غړی او د ملی اسلامی غورځنګ د مهمو څیرو څخه هم دی، د ډونالډ ټرمپ د جنجالی څرګندونو په تړاو چې د بګرام هوایې اډې د بیا نیولو په اړه یې کړی وې په یوه فیسبوکی یادښت کې لیکلي: «د بګرام او افغانستان آزادول یوازې د مارشال عبدالرشید دوستم او د هغه د همکارانو په اقدام سره امکان لري.» هغه د نجیب‌الله د حکومت د نسکورېدو تجربې ته په اشارې وویل: «کله چې د دوستم ځواکونه له مجاهدینو سره یو ځای سول، حکومت نسکور سو. ته‌ینج زیاته کړه: «دونالډ ټرمپ خپل خوبونه د مارشال دوستم په مرسته عملي کولی سي.» د هغه دا څرګندونې د کاروونکو پراخ غبرګونونه راپارولي دي. ځینو دا «خیال‌بافي» او «د ناکامو تجربو تکرار» بللي دي. تر دې مخکې، ټرمپ د بریتانیا له لومړي وزیر سره په ګډه خبري ناسته کې ویلي وو: «موږ هڅه کوو چې د بګرام هوايي اډه بېرته تر لاسه کړو. هغوی [طالبان] له موږ غوښتنې لري او موږ هغه اډه غواړو.» همدارنګه، سی‌ان‌ان خبری شبکې د درې سرچینو په حواله راپور ورکړی چې ټرمپ له څو میاشتو راهیسې د امریکا امنیتي چارواکي تر فشار لاندې راوستی ترڅو د بګرام د بېرته نیولو لاره پیدا کړي.