مسکو: لا تر اوسه د پوتین او ټرمپ ترمنځ د لیدنې زمینه نشته

د معمار پرس د خبر له مخې؛ د تاس خبري آژانس د خبر له مخې، د روسیې د ولسمشر مطبوعاتي ویاند دیمیتري پیسکوف دغه څرګندونې کړې دي چي په اوس وخت کې د ولادیمیر پوتین او ډونالډ ټرمپ تر منځ د لیدنې لپاره کومه پلان نشته. هغه د ټرمپ د لوړې تر مراسمو مخکې د روسیې او امریکا د مشرانو ترمنځ د لیدنې د احتمال په اړه د یوې پوښتنې په ځواب کې وویل: “تر اوسه پورې، د داسې غونډې د ترسره کولو لپاره هیڅ ریښتینې انګیزه یا شرایط شتون نلري.” ډونلډ ټرمپ پرون په اریزونا کې په یوه کنفرانس کې اعلان وکړ چې د اوکراین د کړکېچ د حل لپاره له ولادیمیر پوتین سره لېوالتیا لري. هغه وویل: پوتین غواړي چې ژر تر ژره له ما سره وویني، مګر موږ باید انتظار وکړو. دا جګړه باید پای ته ورسیږي.