د معمار خبري اژانس د راپور له مخې؛ محمد صادق، د افغانستان په چارو کې د پاکستان ځانګړي استازي، د افغانستان د ګاونډیو هېوادونو او روسیې د ځانګړو استازو په هغه ناسته کې چې نن په تهران کې پیل سوې، ټینګار وکړ چې د ترهګریزو ګواښونو په اړه د اسلاماباد اندېښنو ته باید په قاطع او جدي ډول پاملرنه وسي.
هغه زیاته کړه چې پاکستان تل په سیمه کې د سولې، پراختیا او امنیت د ترویج غوښتونکی دی او په دې باور دی چې د افغانستان امنیتي بحرانونو او ګواښونو حل د ګاونډیو هېوادونو او نړیوالې ټولنې نږدې همکارۍ ته اړتیا لري.
په دې ناسته کې د پاکستان د استازو تر څنګ، عبید نظاماني د اسلاماباد سفیر، د روسیې او اوزبیکستان د ولسمشرانو استازي، او همدارنګه د چین، تاجیکستان او ترکمنستان د بهرنیو چارو وزارتونو استازي ګډون لري. دا ناسته د افغانستان د وروستیو تحولاتو د ارزونې او د سولې، امنیت او پراختیا لپاره د سیمهییزو لارو چارو د موندلو په موخه جوړه سوې ده.
