مجاهد: په افغانستان کې ثبات د ګاونډیانو مثبت چلند ته اړتیا لري

د معمار پرس د خبر له مخې؛ د طالبانو ویاند ذبیح الله مجاهد په افغانستان کې د سولې او ثبات د اهمیت په اړه د ازبکستان د ولسمشر شوکت میرضیایف د خبرو هرکلی کړی او په افغانستان کې یې د سولې او ثبات د ټینګښت لپاره د سیمې د هېوادونو همکاري مهمه بللې ده. مجاهد ټینګار وکړ چې په افغانستان کې د سولې او ثبات د ټینګښت لپاره د ګاونډیو هېوادونو او د افغانستان د حکومت تر منځ پیاوړې ډیپلوماټیکې اړیکې اړینې دي. د طالبانو ویاند طلوع نیوز ته ویلي، چې د سیمې هېوادونه باید د اوسني ثبات په ساتلو کې له افغانستان سره مرسته وکړي او په دې برخه کې همکاري وکړي، څو له هر ډول ستونزو څخه مخنوي وشي.