د معمار وحدت د خبري اژانس د راپور له مخې د طالبانو د حکومت ویاند ذبیح الله مجاهد وايي چې د هیواد قوانین له پخوا څخه په میراث پاتې دي خو نن افغانستان نوي اساسي قانون ته اړتیا لري.
خو يو شمېر حقوق پوهان وايي، چې د نوي اساسي قانون په جوړیدو سره به د ټولنې د سیاسي او ټولنیز وضعیت لید لوری مشخص شي.
د طالبانو ویاند له کلید راډیو سره په خبرو کې د نوي اساسي قانون د طرحې په اړه د طالبانو د مشرتابه له پرېکړې خبر ورکړ.
هغه زیاته کړه: ډېر قوانین له پخوانیو رژیمونو څخه په میراث پاتې دي، خو یو متحد او له جګړې څخه پاک افغانستان نوي اساسي قانون ته اړتیا لري.
د افغانستان وروستی اساسي قانون په 1382 کال کې د لویې جرګې له خوا تصویب شو چې د 1400 کال د اسد تر 24 پورې نافذ و او د جمهوري ریاست له سقوط وروسته وځنډول شو.
