مایکل والټز: له افغانستانه وتل به د امریکا لپاره شرم او داغ وي

د معمار پرس د خبر له مخې؛ د امریکا د لویه جرګې غړي مایکل والټز له افغانستانه د دغه هېواد د ځواکونو پر ایستلو سخته نیوکه وکړه او دا یې د امریکا لپاره د شرم وړ او داغ وباله. والټز، چې د جمهوري غوښتونکو ګوند غړی دی، وویل: که ډونالډ ټرمپ د امریکا راتلونکې ولسمشریزې ټاکنې وګټي، له افغانستان څخه د وتلو او په دې عملیاتو کې د ۱۳ امریکايي سرتېرو د وژل کېدو په تړاو به ټول اسناد خپاره کړي. والټز دا ادعا هم وکړه چې د متحده ایالاتو ولسمشر جو بایډن حتی له دې کورنیو سره تلیفوني اړیکه نه درلوده. هغه د خپلو خبرو په دوام کې بایډن ته وویل: د بایډن لپاره له افغانستانه د امریکايي ځواکونو وتل یوه بریا وه.