له ۱۵۰ څخه زیات افغان کډوال له پاکستان څخه جرمني ته ولېږدول شول

د معمار پرس د خبر له مخې؛ د جرمني رسنیو راپور ورکړی چې په افغانستان کې د جرمني حکومت د ۱۵۵ سیمه ییزو همکارانو یوه ډله د سې شنبې په ورځ له اسلام آباد څخه برلین ته انتقال شوه. د راپورونو له مخې، دا کسان پخواني محلي کارمندان دي چې په ۲۰۲۱ کال کې له افغانستان څخه د جرمني ځواکونو له وتلو دمخه یې د جرمني حکومت لپاره کار کاوه. د بیلډ ورځپاڼې دا هم راپور ورکړی چې د افغان کډوالو یوه بله ډله به راتلونکې میاشت له اسلام آباد څخه جرمني ته ولیږدول شي. د ۱۵۵ کسانو دا ډله، چې د حوت په ۷مه، د سې شنبې په ورځ له اسلام آباد څخه الوتنه وکړه، په دوبۍ کې له لنډ تمځای وروسته برلین ته ورسیده.