د معمار پرس د خبر له مخې؛ سویس رسنیو راپور ورکړی چې د لیبرال ګوند سناتور او د سویس د حکومت د کډوالۍ کمیسیون مشر ډامیان مولر له طالبانو سره د مستقیمو خبرو اترو غوښتنه کړې ده.
هغه ټینګار وکړ چې تر هغه چې طالبان په کابل کې واک ولري، د کډوالو د ستونزې د حل لپاره “له دې ډلې سره د خبرو اترو پرته بله چاره نشته”.
د سویس ورځپاڼې بیلیک د اسد په ۸مه د دوشنبې په ورځ راپور ورکړ چې سویس د ۲۰۲۵ کال له پیل راهیسې د هیڅ افغان کډوال په ایستلو کې بریالی شوی نه دی.
سویس یو له هغو هیوادونو څخه دی چې په وروستیو کلونو کې یې د پام وړ شمیر افغان کډوال منلي دي او اوس د غیر مستند مهاجرینو د راستنیدو په پروسه کې له ننګونو سره مخ دي.
