د معمار پرس د خبر له مخې؛ دا کډوال د تورخم، سپین بولدک او اسلام کلا په څیر لارو له لارې هیواد ته ننوتي دي.
د طالبانو د حکومت د کډوالو ستونزو د حل عالي کمیسیون اعلان وکړ چې د ۴۴۷۵ کسانو په ګډون ۱۱۵۰ کډوالې کورنۍ له پاکستان او ایران څخه د ننګرهار د تورخم، په کندهار کې سپین بولدک، په هرات کې اسلام کلا، په نیمروز کې ابریشم، په پکتیکا کې انګور اډه، په هلمند کې بهرامچه او نورو سرحدي نقطو له لارې افغانستان ته راستنې شوې دي.
د کمیسیون په وینا، د نوم لیکنې، میشتیدو او استقبال، ترانسپورت او لیږد، مالي چارو، روغتیایی خدماتو او مخابراتو کمیټو دغو کډوالو ته اړین خدمات چمتو کړي دي.
