له ترکي چارواکو سره د امریکا د ځانګړي استازي د خبرو تمرکز د افغانستان پر وضعیت دی

د معمار پرس د خبر له مخې: د افغانستان لپاره د امریکا ځانګړي استازي ټام ویسټ ترکیې ته د خپل سفر په ترڅ کې په کابل کې د ترکیې د پخواني سفیر اوزان ارطغرل په ګډون د دغه هېواد له چارواکو سره د افغانستان پر وضعیت خبرې وکړې. د امریکا ځانګړي استازي په خپله ایکس پاڼه لیکلي چې له ترکي چارواکو سره د داعش د ګواښونو پر وړاندې د همغږۍ هڅې، د افغانستان په شمال کې د مرستو رسولو او د افغانانو له بشري حقونو څخه د ملاتړ په ګډون پر ځینو مسایلو خبرې کړې دي. باید وویل شي، چې د امریکا ځانګړي استازي تېره اونۍ هم د متحده عربي اماراتو له چارواکو سره د افغانستان پر وضعیت خبرې کړې وې.