له اوږدې وقفې وروسته به سعودي عربستان په کابل کې خپل دیپلوماتیک فعالیتونه پیل کړي

د معمار پرس د خبر له مخې: دا خبره په کابل کې د سعودي عربستان سفارت اعلان کړې ده چي په ​​افغانستان کې خپل ډیپلوماټیک فعالیتونه بیا پیلوي. دغه سفارت د یکشنبې په ورځ د جدي په ۲مه په ایکس کې لیکلي چې د افغانستان خلکو ته به ټول خدمات وړاندې کړي. باید وویل شي، چې سعودي عربستان د سیاسي او امنیتي وضعیت له امله د ۱۴۰۱ کال د دلو په ۱۳ په کابل کې خپل سفارت تړلی و. همدارنګه د طالبانو ویاند ذبیح الله مجاهد د دوحې په دریمه ناسته کې وویل چې سعودي عربستان پلان لري چې ډېر ژر په کابل کې خپل سفارت پرانیزي.