د معمار پرس د خبر له مخې؛ د امریکا د کورني امنیت وزارت د شاوخوا ۱۴،۶۰۰ افغان کډوالو لپاره د لنډمهاله خوندي حالت (TPS) پروګرام لغوه کړی دی، چې چارواکو ویلي یې دي په افغانستان کې د شرایطو ښه والي له امله توجیه شوی دی.
دا خلک یوه میاشت وخت لري چې خپل د استوګنې حالت منظم کړي، که نه نو دوی به د اخراج له خطر سره مخ شي.
شاوخوا ۷،۹۰۰ کامیرونیان کډوال له ورته پریکړې سره مخ دي.
د بشري حقونو او د کډوالو د ملاتړ سازمانونه په دې باور دي چې افغانستان لا هم ناامنه دی او د طالبانو د واکمنۍ او اقتصادي کړکېچ له امله د کډوالو راستنیدل خطرناک دي.
منتقدین دا عمل د بشري حقونو د مکلفیتونو څخه سرغړونه ګڼي او غیر انساني ګڼي.
