د معمار خبري آژانس د راپور له مخې؛ مولوي محمد یعقوب مجاهد، د طالبانو د سرپرست حکومت د دفاع وزیر، د سهشنبې په ورځ، سنبلې ۲۵مه، د خپل رسمي سفر پر مهال قطر ته، له ډاکتر محمد بن عبدالعزیز الخلیفي، د دې هېواد د دولت د بهرنیو چارو له وزیر سره لیدلي دي.
مولوي ذبیحالله مجاهد، د طالبانو ویاند، د دې سفر په تایید سره په یوه پیغام کې لیکلي دي: «مولوي محمد یعقوب مجاهد د امارت د دفاع وزیر، د خپل رسمي سفر پر مهال قطر ته له ډاکتر محمد بن عبدالعزیز الخلیفي، د دې هېواد د بهرنیو چارو له وزیر سره لیدلي دي.» نوموړي زیاته کړې: «په دې لیدنه کې د دواړو خواوو پر اړیکو بحث او د سرپرست حکومت له لوري پر همدردۍ او د قطر پر ملاتړ ټینګار شوی دی.»
دا سفر په داسې حال کې ترسره کېږي چې قطر په دې وروستیو کې د اسلامي هېوادونو د مشرانو د بیړنۍ ناستې کوربه و، او طالبانو ته پکې بلنه نه وه ورکړل سوې. همدارنګه، د دې لیدنې وخت له وروستیو پېښو لکه په دوحه کې د حماس د مشرانو پر دفتر د اسراییلو د رژیم د بمبارۍ سره هممهاله دی، کوم چې د امارت د دیپلوماتیکو هڅو ښکارندوی دی څو له سیمهییزو متحدینو سره خپلې اړیکې پیاوړې کړي.
