د معمار پرس د خبر له مخې؛ د قزاقستان د اوبو سرچینو او اوبو لګولو وزیر مرستیال اصلان عبدالریموف د هیواد په پلازمینه آستانه کې د “د اوبو امنیت او د سرحدونو څخه بهر د اوبو کارول: ننګونې او حل لارې” تر سرلیک لاندې په یوه نړیوال کنفرانس کې خبرداری ورکړ چې د افغانستان په شمال کې د قوش تیپې کانال جوړول کولای شي د سیر دریا سیند جریان د پام وړ کم کړي او د ارال سمندر لپاره جدي پایلې ولري.
د ټایمز آف سنټرل اسیا په وینا، عبدالریموف وویل چې که څه هم قزاقستان له افغانستان سره ګډه پوله نه لري، خو د قوش تیپې کانال اوږدمهاله اغیزې به ټولې سیمې ته خپرې شي.
هغه زیاته کړه: “په لنډ وخت کې، د اوبو په سرچینو کې د سختو بدلونونو تمه نه کیږي، مګر په راتلونکي کې د سیر دریا سیند د جریان کمښت حتمي دی.”
