د معمار خبری آژانس د راپور له مخې، علي بلال، د افغانستان ویاړلی بدن جوړونکی، د یکشنبې په سهار (۲۰ د میزان) د رایان ټري پر وړاندې په سیالۍ کې د نارینهوو د فزیک دوهم مقام ترلاسه کړ او یو ځل بیا یې د وطن بیرغ پورته کړ.
علي بلال په دې سیالیو کې، چې د مستر المپیا ۲۰۲۵ له تر ټولو نږدې او حیرانوونکو سیالیو څخه وې، د دوهم پرلهپسې کال لپاره خپل د نایبقهرمانۍ عنوان تکرار کړ.
دغه ویاړمن افغان ورزشکار د روزل سوی بدن، دقیق عضلاتي تفکیک او مسلکي نمایش له امله د داورانو او کارپوهانو پام ځانته راواړاوه.
علي بلال په ۲۰۲۴ کال کې د «ارنولډ کلاسیک» نړیوالو سیالیو قهرماني هم خپله کړې وه.
د «مستر المپیا» سیالۍ دا مهال د امریکا د لاسوېګاس په ښار کې ترسره کېږي.
