عبدالکبیر اعلان وکړ چې د دوحې په غونډه کې د طالبانو استازي ته د ګډون بلنه ورکړل شوې ده

د معمار پرس د خبر له مخې؛ د طالبانو د حکومت د لومړي وزیر سیاسي مرستیال مولوي عبدالکبیر د افغانستان لپاره د ناروې له سفیر سره په کتنه کې د کابل د استازي بلنه د دوحې په غونډه کې د ګډون لپاره د دلو د میاشتې په پای کې اعلان کړه. په دې کتنه کې د طالبانو د حکومت د لومړي وزير سياسي مرستيال هم وويل چې د افغانستان اوسنی حکومت له ټولو هېوادونو سره متقابل احترام غواړي. کاردار ناروي همداراز ټینګار وکړ چې د طالبانو حکومت باید د افغان ښځو او نجونو لپاره د زده کړې او کار زمینه برابره کړي. مولوي عبدالکبير يادونه وکړه، چې د ښځو او نجونو د زده کړو د زمينې برابرولو په موخه يوه کمېټه جوړه شوې ده. د طالبانو د حکومت د لومړي وزیر مرستیال له اروپايي هېوادونو هم غوښتي چې په کابل کې خپل سفارتونه پرانیزي