عباس ستانکزی: ممکن په راتلونکي کې یو بل نظام واک ته ورسیږي

د معمار پرس د خبر له مخې؛ د طالبانو د بهرنیو چارو وزارت د سیاسي چارو مرستیال شیر محمد عباس ستانکزي په یوه آډیو فایل کې د طالبانو پر مطلق واکمنۍ نیوکه وکړه او ویې ویل: هیڅ حکومت دایمي نه دی، او ممکن په افغانستان کې بل نظام واکمن شي. ستانکزي د افغانستان اقتصادي کړکېچ ته هم اشاره وکړه او ویې ویل چې اقتصادي رکود، د طالبانو له نړۍ سره د ډیپلوماتیکو اړیکو نشتوالی او د دې ډلې په رسمیت نه پیژندل کیدل وضعیت نور هم نازک کړی دی. دا څرګندونې په داسې حال کې کیږي چې د طالبانو په منځ کې د هیواد د حکومت کولو په اړه اختلافات، په ځانګړې توګه د ښځو د حقونو او له نړیوالې ټولنې سره د تعامل پورې اړوند پالیسیو په اړه، ورځ په ورځ زیاتیږي.