طالبان: ښځو ته اجازه شته چې د موټر چلولو جواز ترلاسه کړي

د معمار پرس د خبر له مخې، د کابل ښار د ترافيکو مدير خيال محمد غاور دغه څرګندونې وکړې چي په دې ښار کې د ښځو موټر چلول په رسمیت پیژندل شوي او ټولې ښځې کولای شي د موټر چلولو جواز ترلاسه کړي. په کابل کې د ترافيکو پوليسو مشر په يوه مرکه کې وويل: “موږ ټولو ښځو ته اجازه ورکړې چې د موټر چلولو جواز ترلاسه کړي او په دې برخه کې کومه ستونزه نشته.” هغه ټینګار وکړ چې د ښځینه موټر چلوونکو د شمېر زیاتوالي د دوی ستونزې کمې کړي او دغه اقدام د ښار په ترافیکي وضعیت کې د پام وړ ښه والی راوستی دی.