د معمار پرس د خبر له مخې؛ د طالبانو د ملي ناورین چمتووالي دفتر مشر نورالدین ترابي افغانستان په نړۍ کې د ناورینونو له پلوه یو له خورا زیانمنونکو هیوادونو څخه وباله او د مرستې زیربنا پیاوړتیا باندې یې ټینګار وکړ.
هغه د رضاکارانو د استخدام او روزنې پروګرام پیل اعلان کړ او د بشپړ بشري مرستو پرځای یې د زیربناوو او مخنیوي پروژو باندې تمرکز کولو غوښتنه وکړه.
طبیعي پیښو لکه سیلابونه، زلزلې او وچکالۍ په وروستیو کلونو کې په افغانستان کې زیربناوو او معیشت ته سخت زیان رسولی دی.
د اقلیم بدلون او د کافي زیربناوو نشتوالي هم هیواد د دې پیښو په وړاندې ډیر زیانمن کړی دی.
