طالبان: تر اوسه په هېواد کې د شاوخوا ۵۰۰۰ اجباري ودونو مخه نیول شوې ده

د معمار پرس د خبر له مخې: د دغه وزارت ویاند سیف الاسلام خیبر رسنیو ته ویلي، چې په دې موده کې په هېواد کې د نجونو د جبري ودونو په پېښو کې څلوېښت سلنه کموالی راغلی دی. ښاغلي خیبر وویل: “په افغانستان کې د اسلامي امارت (د طالبانو د حکومت) له راتګ وروسته د دغه وزارت له خوا د ۴۷۲۰ جبري ودونو مخه نیول شوې ده.” هغه خبرداری ورکوي، چې که د نجونو د اجباري ودونو مخه ونه نیول شي، له عاملینو سره به قانوني چلند وشي.