د معمار خبري اژانس د راپور له مخې، عبدالله عزام، د طالبانو اقتصادی مرستیال، د ملا عبدالغني برادر د دفتر مشر، د امریکا د وتلو په اړه د ډونالډ ټرمپ وروستیو څرګندونو ته په ځواب کې یو یادداشت خپور کړی دی.
هغه د ټرمپ د خبرو په اشارې سره چې د امریکا وتل له افغانستان څخه یوه نړیوال سپکاوی ګڼلی وو، لیکلي چې امریکا د وتلو پر مهال د نړیوالې ټولنې له خوا تورنه سوه او خپل اعتبار یې له لاسه ورکړ.
عزام زیاتوي چې اوس د امریکا د ونزوېلا په پوځي عملیاتو پسې، واشنګټن هڅه کوي چې بیا خپل نړیوال اعتبار ترلاسه کړي، خو د هغه په باور، «هر ځواک چې په نورو هېوادونو کې د تیری کوونکو په توګه ځان ته اعتبار جوړوي ، په افغانستان کې خپل اعتبار له لاسه ورکوي.»
دغه مقام چې د طالبانو له رهبری سره نژدې دی، همدا ډول لیکلي چې افغانستان د نړیوالو قدرتونو لپاره یوه داسې سیمه ده چې نه یوازې بریا، بلکې ناکامي او ماته یې تجربه کړي ده.
د عبدالله عزام دغه څرګندونې په داسې حال کې مطرح کېږي چې د امریکا د ونزوېلا وروستي عملیات او د امریکا د بهرني سیاست په اړه غبرګونونه لاهم د سیمه ییزو او نړیوالو سیاسي څېرو ترمنځ دوام لري.
