د معمار خبري اژانس د راپور له مخې؛ یو طالب چارواکي تایید کړه چې د افغانستان ګمرکونه د پاکستان سره په پوله کې په بشپړه توګه تړل سوي دي؛ دې کار په دواړو هېوادونو کې د سوداګرۍ مستقیم منفي اغېز کړی دی.
دغه چارواکي زیاته کړه چې افغانستان وتوانېد د بدیلو سوداګریزو لارو د فعالولو سره دا ستونزه تر یوه حده اداره کړي او د پولې د تړل کېدو سره سره سوداګري روانه ده او په ځینو برخو کې «ښه پرمختګونه» هم سوي دي.
هغه وویل: «که څه هم د ګمرکونو تړل د هیچا په ګټه نه دي، خو موږ د نویو سوداګریزو لارو جوړولو سره خپل واردات او صادرات روان ساتلي دي.»
خو، باوري سرچینو رسنیو ته ویلي چې د ګډو پولې دروازې تړل او د ګمرکي عوایدو کمښت د طالبانو د دولتي کارکوونکو د معاشونو د ځنډېدو له اصلي لاملونو څخه دی.
د ګمرکونو تړل هم په کور دننه د اساسي توکو د بیو د لوړوالي او د اقتصادي وضعیت د سختوالي په اړه اندېښنې پیدا کړي دي.
