د معمار خبری آژانس د راپور له مخی، سراجالدین حقاني، د طالبانو د حکومت د کورنیو چارو وزیر نن وویل، چې افغانستان دا مهال یو امن هېواد دی او د نورو هېوادونو لپاره ګواښ نه پېښوي.
حقاني زیاته کړه، هغه ژمنې چې د دوحې په خبرو اترو کې سوې وې دا چې له افغانستانه به پر نورو هېوادونو ګواښ نه کېږي، عملي سوې دي.
په ورته وخت کې، رحمتالله نجیب، د طالبانو د کورنیو چارو وزارت اداري مرستیال هم ویلي، چې د دې وزارت چارواکي هڅه کوي د پاکستان نه د مهاجرینو د بېرته راستنېدو لپاره عملي حل لاري پیدا کړي او د افغانستان او نړیوالې ټولنې ترمنځ د اړیکو د رغېدو لپاره ګامونه واخلي.
دا څرګندونې داسې مهال مطرح کېږي، چې لا هم د افغانستان او ګاونډیو هېوادونو او نړیوالې ټولنې ترمنځ اړیکې د امنیتي اندېښنو او وسلهوالو ډلو د فعالیت له امله حساسې دي او د نړیوالو بنسټونو تر جدي څار لاندې دي.
