د امریکا د کانګرس غړی: واشنګټن به په راتلونکي کې افغانستان ته راستون شي
د معمار پرس د خبر له مخې؛ د امریکا په کانګرس کې د جمهوري غوښتونکي استازي او د ټرمپ د ملي امنیت سلاکار نږدې همکار پیټ هریګن وویل چې هغه ډاډه دي چې امریکا به په راتلونکي کې بیرته افغانستان ته راستون شي.
هغه دا څرګندونې د یوې سیاسي غونډې په جریان کې وکړې او ټینګار یې وکړ چې هغه طریقه چې امریکا له افغانستان څخه ووتله یوه ستراتیژیکه تېروتنه وه، چې پایلې به یې د هیواد د ملي امنیت لپاره خطرناکې وي.
هریګن همدارنګه ټینګار وکړ چې له افغانستان څخه د امریکا وتل د امریکا په وړاندې د امنیتي ګواښونو د زیاتوالي لپاره لاره پرانیستې ده، او ویې ویل چې که ډونالډ ټرمپ په تیرو څو کلونو کې د متحده ایالاتو ولسمشر وای، نو د اوکراین پر وړاندې د روسیې بریدونه او پر اسراییلو د حماس بریدونه به نه وای شوي.
