د معمار وحدت د خبری آژانس د خبر له مخې؛ د دغو سرچينو له مخې، د طالبانو د مشر له خوا د پنجشير ولايت لپاره د نويو پوځي مقاماتو له ټاکلو وروسته په سلګونو تنه طالب جنګيالي د مقاومت د جبهې د يوه قوماندان ملک د نيولو په مقصد د دره ولسوالۍ د عبدالله خيلو کلي ته ننوتلي دي.
يادې سرچينې دا هم زياته کړې، کله چې طالبان د دغه قوماندان په نيولو کې پاتې راغلل، نو د ملکي وګړو په نيولو يې پيل وکړ.
که څه هم طالبانو تل په پنجشیر او اندراب کې جګړه رد کړې ده خو په دې وروستیو کې ملا هبت الله د مقاومت د چریکي فعالیتونو د دغو دوو سیمو لپاره ځانګړی جنګي قومندان ټاکلی دی.
