طالبانو د ۳۳ میلیونه ډالرو په ارزښت د ۶۳ زره ټنه انارو د صادرولو اعلان وکړ

د معمار پرس د خبر له مخې: د طالبانو د صنعت او سوداګرۍ وزارت ویاند اخندزاده عبدالسلام جواد اعلان کړی چې افغانستان په تېرو ۸ میاشتو کې د ۳۳ میلیونه ډالرو په ارزښت ۶۳ زره ټنه انار صادر کړي دي. هغه زياته کړه، چې د افغانستان د انارو تر ټولو زيات صادرات پاکستان، هند، تاجکستان، ازبکستان، ترکمنستان، قزاقستان او متحده عربي اماراتو ته شوي دي. که څه هم سږ کال د انارو حاصلات ډېر شوي، خو د دغه محصول باغ لرونکي وايي چي د انارو د خرڅلاو بازار لا هم ډېر نه دی او د پلور او بازار موندنې له ستونزو سره مخ دي.