طالبانو د لومړي ځل لپاره د ایران د اوبو حق ومنل

د ایران د چاپېریال ساتنې ادارې مشر علي سلاجقه د چهارشنبې په ورځ د عقرب په ۲۴ مه د خبریالانو د پوښتنو په ځواب کې وویل: “کله چې د طالبانو اقتصادي پلاوی ایران ته راغی، له نېکه مرغه موږ غونډه درلوده او دا لومړی ځل و چې طالبانو ومنله چې د ایران د اوبو حق باید ورکړل شي.» هغه زیاته کړه: “طالبانو ایران ته د اوبو د حقونو د نه ورکولو یو لامل د اوبو د کمښت او وچکالۍ مسله راپورته کړې وه.” د ایران د اوبو له حق څخه د طالبانو دغه منل د دواړو هېوادونو په اړیکو کې یو مهم پرمختګ ګڼل کېږي.