د معمار پرس د خبر له مخې؛ په بدخشان ولایت کې سیمه ییزې سرچینې راپور ورکوي چې د طالبانو د لوړو زده کړو وزارت د دې پوهنتون د شرعیاتو پوهنځي شپږ استادان له دندو ګوښه کړي دي.
د سرچینو په وینا، د دوشنبې په ورځ، د حوت په ۲۰مه، دا استادان، چې لوړې اکاډمیک درجې او په پوهنتون کې له لسو کلونو څخه زیاته د تدریس تجربه یې درلوده، له خپلو دندو ګوښه شوي دي.
که څه هم د طالبانو له خوا د دې پروفیسورانو د ګوښه کولو دقیق دلیل نه دی مشخص شوی، خو سیمه ییزې سرچینې وايي چې دا اقدام د طالبانو له خوا ځکه شوی چې دوی “سلفي” عقیدې درلودې.
