د معمار پرس د خبر له مخې؛ د طالبانو د بهرنيو چارو وزارت سرپرست امیر خان متقي د ایران د اسلامي جمهوریت د بهرنیو چارو وزیر سید عباس عراقچي سره په ټیلیفوني خبرو کې د افغانستان بشپړ چمتووالی اعلان کړ چې له سعودي عربستان څخه د افغانستان د خاورې له لارې د پاتې ایراني حاجیانو د بیرته راستنیدو په برخه کې مرسته وکړي.
د طالبانو د بهرنیو چارو وزارت لخوا د دوشنبې په ورځ (د جون په ۱۶مه) د یوې مطبوعاتي اعلامیې پر بنسټ، متقي په دې ټیلیفوني خبرو کې د ایران په خاوره باندې د اسراییلو وروستي هوایي بریدونه په کلکه وغندل او هغه یې د نړیوال قانون څخه ښکاره سرغړونه او د ایران د اسلامي جمهوریت د ملي حاکمیت په وړاندې ښکاره برید وباله.
