د معمار پرس د خبر له مخې؛ طالبانو اعلان کړی چې ملګرو ملتونو د افغانستان لپاره یو پلان چمتو کړی چې په راتلونکي کې به دې ډلې ته وړاندې شي.
د خپرو شویو راپورونو له مخې، په دې پلان کې به “له افغانستان سره د اړیکو پیاوړتیا، د امنیت ډاډمن کول، او نور مثبت ټکي” شامل وي.
د طالبانو د کډوالو وزارت له خوا د خپرې شوې اعلامیې له مخې، په افغانستان کې د برتانیا د سفارت شارژدافیر رابرټ ډیکسن دا موضوع د طالبانو د کډوالو وزیر عبدالکبیر سره په یوه غونډه کې راپورته کړه.
د غونډې په جریان کې، ډیکسن وویل چې په پلان کې به د افغانستان سره د اړیکو د پیاوړتیا او په هیواد کې د امنیت د ډاډمنولو لپاره حل لارې شاملې وي.
