د معمار پرس د خبر له مخې؛ د طالبانو د عدلیې وزارت اعلان وکړ چې د دې وزارت سرپرست عبدالحکیم شرعي په سعودي عربستان کې د “اسلامي مذهبونو ترمنځ د پلونو جوړول” په نړیوال کنفرانس کې له اسلامي هیوادونو، په ځانګړې توګه سعودي عربستان څخه وغوښتل چې له نړۍ سره د طالبانو د ډیپلوماتیکو اړیکو په پیاوړتیا کې رول ولوبوي.
د طالبانو د عدلیې وزارت په دوام کې وویل چې عبدالحکیم شرعي په غونډه کې ټینګار وکړ چې “په افغانستان کې رسمي دین حنفي فقه ده، خو ټول امامان، عالمان او د نورو اسلامي فرقو پیروان درناوی کیږي.”
هغه دا هم وویل چې “د اسلامي مذهبونو د عالمانو ترمنځ د هغو مسلو په اړه پوهه چې یووالي او پیوستون ته اړتیا لري خورا مهمه ده.”
