د معمار پرس د خبر له مخې؛ یو شمېر بهر مېشتو افغانانو په اوسلو کې د افغانستان د سفارت د طالبانو ته د سپارلو په اړه اعتراض کړی دی.
لاریون کوونکو، چې په کې پناه غوښتونکي، د بشري حقونو مدافعین او د ښځو د حقونو فعالین شامل وو، د شنبې په ورځ، د حمل په ۹مه، طالبانو ته په اوسلو کې د افغانستان د قونسلګرۍ د سپارلو سره خپل مخالفت اعلان کړ.
دوی وویل: “موږ د ناروې حکومت دا عمل د نړیوال قانون، انساني وقار او اخلاقي مسؤلیت د بنسټیزو اصولو څخه ښکاره سرغړونه ګڼو.”
دغو لاریون کوونکو ټینګار وکړ چې طالبانو د تاوتریخوالي له لارې او پرته له کوم ډیموکراتیک مشروعیت څخه واک غصب کړی دی.
