د معمار پرس د خبر له مخې؛ د سیمه ییزو اړیکو د پیاوړتیا لپاره د طالبانو د هڅو په دوام، د تاجک اپوزیسیون مشر او د امام علي رحمان مخالف شرف الدین ګدایف، چې د طالبانو په بلنه کابل ته راغلی دی، ډلې ته نږدې رسنیو سره خبرې کړې دي.
په دې مرکه کې، ګدایف د امام علي رحمان حکومت “ناقانونه”، “غیر ډیموکراتیک” او “اسلام ضد” وباله او ادعا یې وکړه چې دوشنبه نه یوازې د مذهبي ادارو او مذهبي ښوونځیو مخالفت کوي، بلکې د داعش په څیر افراطیت په تولید او صادرولو کې هم مستقیم رول لوبوي.
هغه وویل: “تاجکستان په سیستماتیک ډول مذهبي ادارې ځپلي، دیني عالمان یې بندیان کړي او اسلام یې خپل اصلي دښمن ګڼي. داسې حکومت څنګه د شهرت ادعا کولای شي؟”
هغه دا ادعا هم وکړه چې د تاجکستان حکومت امنیتي جوړښتونه د ترهګرو ډلو په جوړولو او ملاتړ کې، په ځانګړې توګه د افغانستان او تاجکستان په پولو کې، مهم رول لوبوي.
