د افغانستان د بیارغونې لپاره د امریکا د ځانګړي مفتش (سیګار) په خپل وروستي راپور کې اعلان وکړ چې طالبانو په افغانستان کې د بهرنیو مرستو د ویش په پروسه کې مداخله کړې او د دې مرستو د ویش کنټرول یې په خپل لاس کې اخیستی دی.
د راپور له مخې، طالبانو په ځینو قضیو کې مرستندویه سازمانونه اړ کړي چې یوازې هغه اشخاصو ته مرستې ورسوي چې د دوی ډلې لخوا تصویب شوي وي.
دې مداخلې شفافیت کم کړی او نړیوالو مرستو ته د خلکو په لاسرسي کې نابرابري رامینځته کړې ده.
په ورته وخت کې، ځینو نړیوالو بشري سازمانونو ویلي چې د طالبانو محدودیتونو د مرستو ویش ورو کړی دی.
