د معمار خبري آژانس د راپور له مخې؛ سهیل شاهین، په قطر کې د طالبانو تر مدیریت لاندې د افغانستان د سفارت سرپرست، وایي چې د پاکستان استخباراتي اداره (آیاېسآی) هڅه کوي د واشنګټن وروستۍ پېښه اسلامي امارت منسوبه کړي، څو دا اداره بدنامه کړي.
شاهین د یوه هندي رسنۍ سره په مرکه کې ویلي چې په دې پېښه کې د «بهرنیو استخباراتي کړیو» د لاس لرلو احتمال سته او د هغوی موخه دا ده چې افغانان د نړۍ لپاره د امنیتي ګواښ په توګه معرفي کړي. هغه ټینګار کړی چې د افغانستان د حاکمیت دریځ څرګند او قاطع دی: د افغانستان له خاورې څخه به په بهر کې د بریدونو لپاره استفاده ونه سي.
