ساتونکی: عباس ستانکزی تېښتې ته اړ شو

د معمار پرس د خبر له مخې؛ ګارډین ورځپاڼې راپور ورکړی چې د طالبانو د بهرنیو چارو وزارت مرستیال، شیر محمد عباس ستانکزی، د ښځو او نجونو په وړاندې د دې ډلې د سختو پالیسیو سره د مخالفت له امله له افغانستان څخه وتلو ته اړ شو او په متحده عربي اماراتو کې پناه واخیسته. د دې راپور له مخې، د طالبانو مشر د ستانکزي د انتقادي څرګندونو وروسته د هغه د نیولو او سفر بندیز امر صادر کړی و. خو هغه د دې حکم له پلي کېدو مخکې له هېواده ووت او متحده عربي اماراتو ته لاړ. طالبانو تر اوسه د ستانکزي تېښته نه ده تایید کړې.