د معمار پرس د خبر له مخې؛ د ډونالډ ټرمپ ځانګړي استازي سټیو ویټکاف اعلان وکړ چې د اوکراین ولسمشر ولادیمیر زیلینسکي په سپینه ماڼۍ کې د امریکا له ولسمشر او د هغه د مرستیال سره د یوې تودې لفظي شخړې وروسته ټرمپ ته د بخښنې یو لیک لیږلی دی.
د دوشنبې په ورځ، د حوت په ۱۰مه، د فاکس نیوز سره په یوه مرکه کې، ویټکاف څرګنده کړه چې زیلینسکي سپینې ماڼۍ ته د یو لیک په لیږلو سره له ټرمپ څخه بخښنه غوښتې ده.
دا بخښنه په داسې حال کې راځي چې د ټرمپ ځانګړي استازي څرګنده کړه چې زیلینسکي د اوکراین او امریکایي چارواکو ترمنځ د خبرو اترو له پیل څخه یوه ورځ مخکې سعودي عربستان ته سفر کړی و.
