د معمار خبری آژانس د راپور له مخې؛ زرغون بهیر وايي پاکستان په اوږدو کلونو کې طالبانو ته لوژستیکي، پوځي او روزنيز ملاتړ برابر کړی، خو تل یې له دې حقیقت انکار کړی دی. د دې جریان په خبره، اسلامآباد اوس هم بې له عملي ګام څخه یوازې د رژيم د بدلون په اړه اعلامیې خپروي، چې دا کار ډېر شکمن ښکاري.
زرغون بهیر په ایکس ټولنیزه شبکه کې لیکلي دي: «پاکستان په تېرو ۲۶ کلونو کې له طالبانو ملاتړ کړی او تراوسه یې هېڅ عملي اقدام نه دی کړی، خو هره ورځ اعلامیې خپروي او د رژيم د بدلون خبرې کوي. ولې؟ موضوع ډېره مشکوکه ده.» په پای کې دغه جریان لیکلي: «وایی چې د غوغا جوړوونکی سړی جګړې ته زړه نه وي.»
