د معمار خبری آژانس د راپور له مخې، روحالله نظری، د افغانستان د کورش ورزشکار، په ۲۰۲۵ کال د ځوانانو د آسیايي لوبو په سیالیو کې چې دوشنبې، د میزان ۲۸ مه، په بحرین کې ترسره سوې، بریالی سو چې برونز مډال ترلاسه کړي. نظری په لومړۍ لوبه کې د قرغزستان سیال د فني ضربې په وسیله مات کړ او نیمه پایلوبې ته یې لار ومونده.
په دې مرحله کې، هغه سیالي د خپل ایراني سیال په وړاندې وبایلله او په پای کې یې برونز مډال ترلاسه کړ. د لوبو په دې دوره کې دا د افغانستان د کورشکارانو دویم مډال دی. له دې مخکې، یحیا محمدي، د افغانستان بل کورش ورزشکار، پرون په ترکمنستان او تایلنډ کې د خپلو سیالانو د ماتولو څخه وروسته برونز مډال ترلاسه کړی وو.
د ۲۰۲۵ کال د ځوانانو د آسیايي لوبو سیالۍ د ۴۵ آسیايي هېوادونو په ګډون او د بحرین په کوربه توب ترسره سوې، او افغان ورزشکاران وتوانېدل چې د کورش په برخه کې د خپلو لاسته راوړنو په وسیله د خپل هېواد نوم د مډال ګټونکو په منځ کې ثبت کړي.
