د معمار پرس د خبر له مخې؛ ایم ټي این، چې په افغانستان کې د مخابراتو په سکتور کې یو له مخکښانو څخه دی، د خپل برانډ نوم “اتوما” ته بدلولو سره په هیواد کې د خپلو فعالیتونو یو نوی فصل اعلان کړ.
دا پرمختګ، چې په رسمي ډول د شنبې په ورځ (د حمل ۳۰مه) اعلان شو، د افغانستان د مخابراتي بازار کې د شرکت د موقف د پیاوړتیا لپاره یو ستراتیژیک ګام دی.
د آټوما چارواکو په یوه بیانیه کې اعلان وکړ چې د نوم دا بدلون د فعالیتونو د پراخولو او د مخابراتو په برخه کې د نویو خدماتو د وړاندې کولو لپاره شوی دی.
د دوی په وینا، آټوما موخه لري چې د پرمختللو ټیکنالوژیو په پراخه پانګونه، په ځانګړې توګه د 4G شبکې پراختیا باندې تمرکز کولو سره د افغان کاروونکو لپاره یو ښه او لوړ کیفیت لرونکی تجربه چمتو کړي.
