د معمار خبری آژانس د راپور له مخې، الجزیرې راپور ورکړی چې د ۲۰۲۳ د سپتمبر څخه تر اوسه پورې د څلور میلیونه زیاتو افغان کډوالو بېرته ستنېدو د افغانستان بشري او اقتصادي بحران لا پسې ژور کړی دی. یوازې د روان میلادي کال په اوږدو کې نږدې یو نیم میلیون کسان هېواد ته ستانه سوي دي.
دغه بېرته ستنېدنې د افغانستان پر کمزوري اقتصاد او د کار پر بازار نوي فشارونه وارد کړي دي.
الجزیرې زیاته کړې چې دې بدلونونو د افغانستان اقتصادي وضعیت لا زیات له ستونزو سره مخ کړی دی.
په ورته وخت کې، نړیوال بانک خبرداری ورکړی چې د بېرته ستنېدونکو کسانو د زیاتوالي له امله به د بیکارۍ کچه لوړه سي، او اټکل کېږي تر ۲۰۳۰ کال پورې به یو میلیون نور ځوانان هم د کار بازار ته داخل سي. دغه بانک ټینګار کړی که په زدهکړو او د کاري فرصتونو په رامنځته کولو کې پراخې پانګونې ونسي، ډېری ځوانان به یو ځل بیا مهاجرت کولو ته اړ سي.
همدارنګه، د کډوالۍ نړیوال سازمان (IOM) ویلي چې یوازې د روان کال د لومړیو څلورو میاشتو په ترڅ کې شاوخوا ۳۵۰ زره تنه د کورني بېځایه کېدو، اقلیمي بحرانونو او سرحدي مهاجرتونو له امله بېځایه سوي دي.
کارپوهان خبرداری ورکوي که دا لړۍ همداسې روانه وي، د افغانستان اقتصادي او ټولنیزې ستونزې به لا پسې زیاتې سي.
