د کرکټ نړیوالې شورا (ICC) په رسمي ډول اعلان وکړ چې د نړیوال درجه بندۍ پراساس (د جون تر ۳۰ پورې) د افغانستان ملي کرکټ ټیم د ۲۰۲۶ کال د شل اوریزو نړیوال جام لپاره وړتیا ترلاسه کړې، چې د هند او سریلانکا لخوا به په ګډه کوربه توب کیږي. افغانستان اوس مهال د شل اوریزو نړیوال کرکټ په درجه بندۍ کې نهم مقام لري.
د کرکټ نړیوالې شورا په وینا، هغه ټیمونه چې د سیالۍ لپاره وړتیا ترلاسه کړې دي عبارت دي له هند او سریلانکا (ګډ کوربه)، افغانستان، آسټرالیا، بنګله دیش، انګلستان، سویلي افریقا، ویسټ انډیز، متحده ایالات، پاکستان، نیوزیلینډ، ایرلینډ او کاناډا.
